|
2008
թ,
Դեկտեմբեր
29
Politique
Վահագն
Չախալյան.
Ջավախքահայությունը
շարունակելու
է
իր
պայքարը
Bagin 29/01/09
«Միասնական Ջավախք» Ժողովրդավարական դաշինք քաղաքական շարժման առաջնորդ
Վահագն Չախալյանի հայտարարությունը, որը նա հրապարակել է 28.01.2009թ.
Ախալցխայի շրջանային դատարանում կայացած դատավարության ընթացքում։
«Միասնական
Ջավախք»
ժողովրդավարական դաշինք քաղաքական շարժումը,
որի
առաջնորդը ես հանդիսանում եմ,
իր
հիմնադրման պահից ստանձնեց ջավախքահայության և վիրահայության խնդիրների
լուծման հետապնդումը:
Խնդիրները
բազմաթիվ էին և ե՛ն:
Վրացական իշխանություններն իրականացնում են հետևողական քայլեր` ուղղված
ջավախքահայության արտագաղթի խրախուսմանը և տարածաշրջանում էթնիկական
առկա պատկերի փոփոխմանը: Այսպես, Ախալքալաքում գործում է պետական ԲՈՒՀ,
որի ուսանողների շուրջ 70%-ը ազգությամբ վրացի են, Նինոծմինդայում
գործում է վրացական մանկատուն, կառուցվում է մեծ քրեակատարողական
հիմնարկ: Շարունակական փորցեր են կատարվում վրացականացնել հայկական
եկեղեցիներ, ստեղծվում են վրացական մենաստաններ: Ջավախքում պարտադրվում
է վրացերեն լեզվի ոչ-այլնտրանքային օգտագործումը հանրային կյանքի բոլոր
բնագավառներում, ջավախքահային չի տրվում մայրենի լեզվի հիմքի վրա
տեղում համալսարան հիմնադրելու հնարավորություն և այլն:
2006թ. մարտի 9-ին
Ծալկա քաղաքում ազգությամբ հայ Գևորգ Գևորգյանի սպանությունը և վրաց
ոստիկանության կողմից սպանվածի հարազատների և ընկերների հավաքված
ցույցի ուժով ցրումը առաջացրեց ջավախքահայության արդարացի բողոքի
պոռթկում:
«Միասնական
Ջավախք»-ն
առաջնորդեց ժողովրդական բողոքի այս ալիքը:
Ժողովրդական
զանգվածային բողոքի յուրաքանչյուր դրսևորումից հետո որպես
«Միասնական
Ջավախք»-ի
առաջնորդ` ես հանդիպումներ էի ունենում վրացական իշխանության
ներկայացուցիչների հետ: Նրանց կողմից տրվում էին հայ բնակչության
խնդիրները լուծելու խոստումներ, որոնք այդպես էլ մնում էին
չիրականացված: Իշխանությունների խորհուրդն էր` զերծ մնալ ժողովրդական
բողոքի զանգվածային միջոցառումներից և ջավախքահայության նպատակները
հետապնդել ընտրությունների և այլ ժողովրդավարական գործընթացներին
մասնակցելու միջոցով:
«Միասնական
Ջավախք»-ը
հետևեց այդ խորհրդին: Մասնակցեցինք 2006թ. հոկտեմբերի 5-ի տեղական
ինքնակառավարման մարմինների ընտրություններին: Սակայն իշխանության
կողմից թույլ տված աղաղակող և բացահայտ խախտումները զրկեցին
«Միասնական
Ջավախք»-ին
շրջանային կառավարման մարմիններում որևէ նշանակալից ներկայություն
ունենալու հնարավորությունից:
«Միասնական
Ջավախք»-ի
կողմից կազմակերպված խաղաղ բողոքի ցույցը սադրանքի և ուժի գործադրմամբ
խեղդվեց ոստիկանության կողմից:
2007թ. ընթացքում
վրաց իշխանությունները սկսեցին հետևողականորեն իրականացնել
«Միասնական
Ջավախք»-ի
կազմալուծման և իմ` քաղաքական մեկուսացման ու չեզոքացման ծրագիրը, որի
գագաթնակետը դարձան 2008թ. հուլիսի 17-21-ի գործողությունները:
Այսօր, 6 ամիս
անազատությունից հետո, վրացական իշխանություններն ինձ դատում են 2006թ.
Ախալքալաքում տեղի ունեցած ցույցերի համար.
ա՛յն
ցույցերի, որոնց միջոցով ջավախքահայերը բարձրացնում էին իրենց հուզող
խնդիրները և վրաց իշխանություններից պահանջում` տալ դրանց լուծումները,
ա’յն ցույցերի, որոնց ընթացքում ջավախքահայությունն իր խաղաղ բողոքի
ձայնն էր բարձրացնում ՏԻՄ ընտրություններում տեղ գտած աղաղակող
խախտումների դեմ և պահանջում` անվավեր ճանաչել դրանց արդյունքները:
Արդ, դատարանի
դահլիճից հայտարարում եմ. այս դատարավարությունը զավեշտական
բեմադրություն է, իսկ դրա անընդհատ հետաձգման պատճառը վրացական
իշխանությունների իմ` որպես ջավախքահայության իրավունքների կրող
քաղաքական գործչի նկատմամբ տածած վախն է: Ի դեմս ինձ դուք դատում եք
Ձեր երկրի հայ փոքրամասնությանը:
Այդ վախի
արդյունքն են նաև հունվարի 22-ին Ախալցխայի հայ գործիչներ` Գրիգոր
Մինասյանի և Սարգիս Հակոբջանյանի ձերբակալությունները: Դա մի նոր
սադրանք է, որն ընդամենը նպատակ է հետապնդում ջավախքահայությանը մղել
ծայրահեղական քայլերի և դրանով վարկաբեկել ջավախքահայության կողմից իր
լեզվական, կրթական և կրոնական իրավունքների համար տարվող խաղաղ պայքարը:
Արդ, պահանջել և
պահանջում եմ վրացական իշխանություններից`
1. Կասեցնել
«Միասնական
Ջավախք»-ի
անդամների, իմ ազգականների և ընկերների, ինչպես նաև իմ դեմ հարուցված
բոլոր քրեական գործերը, դադարեցնել բոլոր քաղաքական և տնտեսական
հալածանքները: Ազատ արցակել հայ փոքրամասնության իրավունքների
պաշտպանության իրենց գործունեության համար ձերբակալված բոլոր քաղաքական
բանտարկյալներին, այդ թվում` Ախալցխայում վերջերս ձերբակալված անձանց:
2. Կասեցնել
Սամցխե-Ջավախք նահանգի և Ծալկայի շրջանի ժողովրդագրական պատկերի
արհեստական փոփոխմանն ուղղված բոլոր ծրագրերը.
3. Կատարել իմ
ձերբակալությանը նախորդած դեպքերի և մասնավորապես, ազգությամբ հայ
երկու ոստիկանի սպանության արդար և անկողմնակալ հետաքննություն
4. Լուծել
վիրահայությանն ու ջավախքահայությանը հուզող բոլոր լեզվա-կրթական,
սոցիալ-տնտեսական և մշակութային խնդիրները, և մասնավորապես.
▪
Գրանցել Հայ Առաքելական Եկեղեցին, վերադարձնել խորհրդային իշխանության
տարիների ընթացքում նրանից բռնագրավված բոլոր տաճարները.
▪
Սամցխե-Ջավախք նահանգում և Ծալկայի շրջանում օրեսդրորեն թույլատրել
տեղական ինքնակառավարման մարմինների աշխատանքում և ընդհանուր
գործավարության մեջ հայոց լեզվի օգտագործումը.
▪
Արտոնել Ախալքալաքում հայկական համալսարանի հիմնադրումը:
Դատերի
և հալածանքների միջոցով վրացական իշխանություններին չի՛ հաջողվի որևէ
հարց լուծել. դրանք միայն խորացնելու են առկա դժգոհությունը:
Ջավախքահայությունը շարունակելու է իր պայքարը:
|
